තුන්කොන් තරඟාවලියේ පළමු තරඟයෙන් පාකිස්තානයට ලකුණු 37ක ජයක්

තුන්කොන් එක්දින ක්‍රිකට් තරගාවලියේ ශ්‍රී ලංකාව සමඟ පැවැති පළමු තරගය ලකුණු 37කින් ජය ගැනීමට පාකිස්තාන කණ්ඩායම සමත් වුණා.

තරගයේ පළමුව පන්දුවට පහරදුන් පාකිස්තානය පන්දුවාර 49යි පන්දු 5ක් අවසානයේ සියලු දෙනා දැවී ලකුණු 305ක් රැස් කළා.

එහිදී සල්මාන් අගා ලකුණු 107ක් ලබාගත් අතර, ශ්‍රී ලංකාව වෙනුවෙන් එෂාන් මාලිංග කඩුලු 4ක් බිඳ හෙළුවා.

ජයග්‍රහණය සඳහා ලකුණු 306ක ඉලක්කයක් හඹාගිය ශ්‍රී ලංකා කණ්ඩායමට පන්දුවාර 48යි පන්දු 1ක් අවසානයේ සියලු දෙනා දැවී රැස්කර ගැනීමට හැකිවූයේ ලකුණු 268ක් පමණයි.

ශ්‍රී ලංකා ඉනිම වෙනුවෙන් පවන් රත්නායක ලකුණු 79ක් සහ ජනිත් ලියනගේ ලකුණු 60ක් රැස් කළා.

පාකිස්තානය වෙනුවෙන් ශහීන් ෂා අෆ්රිඩි කඩුලු 3ක් දවාගත්තා.

ඒ අනුව තරගයේ ජය පාකිස්තානයට හිමිවූ අතර, තරගයේ වීරයා ලෙස සල්මාන් අගා නම් කෙරුණා.