2026-08-18 09:25:00 Hours
.jpg)
ආණ්ඩුක්රම ව්යවස්ථාවේ 22 වන සංශෝධනයට අදාළ පනත් කෙටුම්පත සහ අධිකරණ සංවිධාන සංශෝධන පනත් කෙටුම්පත අද (18) පාර්ලිමේන්තුවට ඉදිරිපත් කිරීමට නියමිතව තිබෙනවා.
අධිකරණ හා ජාතික ඒකාබද්ධතා අමාත්ය හර්ෂණ නානායක්කාර මහතා විසින් පාර්ලිමේන්තුවේ ප්රධාන වැඩකටයුතු ආරම්භයේදී අදාළ පනත් කෙටුම්පත් ඉදිරිපත් කිරීමට නියමිත බව වාර්තා වනවා.
පනත් කෙටුම්පතක් ගැසට් කිරීමෙන් සතියකට පසු එය පළමුවර කියවීම සඳහා පාර්ලිමේන්තුවට ඉදිරිපත් කළ යුතු අතර, ඉන් අනතුරුව ඕනෑම අයෙකුට එම පනත් කෙටුම්පත සම්බන්ධයෙන් අධිකරණය හමුවට යාමට සතියක කාලයක් හිමි වනවා.
අදාළ පෙත්සම් විභාග කිරීමෙන් අනතුරුව ශ්රේෂ්ඨාධිකරණය දින 3ත් 21ත් අතර කාලයකදී සිය තීරණය කථානායකවරයා වෙත දැනුම්දීමට නියමිතයි.
22 වන ආණ්ඩුක්රම ව්යවස්ථා සංශෝධනය සම්මත වුවහොත් ශ්රේෂ්ඨාධිකරණ විනිසුරුවරුන්ගේ විශ්රාම වයස අවුරුදු 65 සිට 67 දක්වාත්, අභියාචනාධිකරණ විනිසුරුවරුන්ගේ විශ්රාම වයස අවුරුදු 63 සිට 65 දක්වාත් ඉහළ යනු ඇත.
අධිකරණ සංවිධාන සංශෝධන පනත් කෙටුම්පත සම්මත වීමෙන් මහාධිකරණ, දිසා අධිකරණ සහ මහෙස්ත්රාත් අධිකරණ විනිසුරුවරුන්ගේ විශ්රාම වයස අවුරුදු 62 දක්වා ඉහළ නැංවීමට යෝජනා කර තිබෙනවා.
මෙම වෙබ් අඩවියේ පළකරනු ලබන පුවතක් හේතුවෙන් යම් පුද්ගලයකුට, ආයතනයකට හෝ පාර්ශ්වයකට අගතියක් සිදුවන බව හැඟේ නම් හෝ යම් තොරතුරක් නිවැරදි විය යුතු යැයි හැඟෙන්නේ නම්, ඊට අදාළව ප්රතිචාර දැක්වීමට අප වෙබ් අඩවියේ පරිශීලකයින්ට පූර්ණ අයිතිය හිමිය.
ලංකා ලයිව් නිරන්තරයෙන් නිවැරදි තොරතුරු වාර්තා කිරීමට බැඳී සිටින අතර, මාධ්යය වෘත්තීය ආචාරධර්මවලට අනුගත වෙමින් සෑම විටෙකම පිළිතුරු ලබාදීමේ අයිතියට ගරුකරයි.
ඒ වෙනුවෙන් ඔබේ ප්රතිචාර කරුණාකර අපට දැනුම්දෙන්න.
ඊමේල් –hello@lankalive.lk