අයගම දී පර්වර්තයකින් පහළට වැටුණු පුද්ගලයා ගොඩගන්න කමාන්ඩෝ මෙහෙයුමක්

අයගම ඉන්දෝල ප්‍රදේශයේ දී පුද්ගලයෙකු ගල් පර්වතයකින් පහළට ඇද වැටීමෙන් මියගොස් තිබෙනවා.

අයගම පොලීසිය පැවසුවේ මියගිය පුද්ගලයා දින කිහිපයක සිට අතුරුදහන්ව ඇති බවට ලද පැමිණිල්ලක් මත මේ සම්බන්ධව විමර්ශන ආරම්භ කළ බවයි.

කෙසේ වෙතත් පොලීසිය අදාළ ස්ථානයේ සිදුකළ ස්ථානීය පරීක්ෂණයේ දී කිසිඳු තොරතුරක් සොයා ගැනීමට අපොහොසත් වී තිබෙනවා.

අනතුරුව පොලීසිය ගනේමුල්ල කමාන්ඩෝ රෙජිමේන්තුවේ ඩ්‍රෝන උපයෝගී කරගනිමින් විමර්ශන සිදුකර ඇති බව සඳහන්.

එහිදී අතුරුදහන්ව ඇති බවට සැක පුද්ගලයාගේ මෘත ශරීරය ගල්පර්වතයේ කොටස රැඳී ඇති බවට හඳුනාගෙන තිබෙනවා.

කෙසේ වෙතත් සිරුර ගොඩ ගැනීමේ ගනේමුල්ල කමාන්ඩෝ බලකායේ ආධාර ඇතිව මෙහෙයුම් මේ වන විට සිදුවෙමින් පවතිනවා.

සිද්ධිය සම්බන්ධයෙන් අයගම පොලීසිය වැඩිදුර පරීක්ෂණ සිදුකරනු ලබනවා.