අහංගමදී බස් රථයක් හා ටිපර් රථයක් ගැටී පස්දෙනෙකුට තුවාල

අහංගම, කතළුව පාලම අසලදී බස් රථයක් සහ ටිපර් රථයක් එකිනෙක ගැටීමෙන් සිදුවූ අනතුරකින් පුද්ගලයන් පස්දෙනෙකු තුවාල ලබා රෝහල්ගත කර තිබෙනවා.

ගාල්ලේ සිට කොළඹ බලා ධාවනය වූ බස් රථයක් සහ මාතර සිට ගාල්ල බලා ධාවනය වූ ටිපර් රථයක් මෙලෙස අනතුරට ලක්ව ඇති බව සඳහන්.

අනතුරින් බස් රථයේ ගමන් ගත් සිව්දෙනෙකු සහ ටිපර් රථයේ රියදුරු තුවාල ලබා කරාපිටිය රෝහලට ඇතුළත් කර තිබෙනවා.

පොලීසිය සඳහන් කළේ, ටිපර් රථය වෙනත් වාහනයකට ඉස්සර කිරීමට යාමේදී ඉදිරියෙන් පැමිණි බස් රථයේ ගැටීමෙන් මෙම අනතුර සිදුව ඇති බවයි.

අනතුර හේතුවෙන් ගාල්ල - මාතර ප්‍රධාන මාර්ගයේ දැඩි රථවාහන තදබදයක් ද හටගෙන තිබෙනවා.

සිද්ධිය සම්බන්ධයෙන් අහංගම පොලීසිය වැඩිදුර විමර්ශන සිදු කරනවා.