මෙල්බර්න් ආසන්නයේ රික්ටර් මාපක 4.8ක භූමිකම්පාවක්

ඕස්ට්‍රේලියාවේ මෙල්බර්න් නගරය සහ වික්ටෝරියා ප්‍රාන්තයේ ප්‍රදේශ රැසකට බලපාමින් රික්ටර් මාපක 4.8ක ප්‍රබලතාවයෙන් යුත් භූමිකම්පාවක් සිදුව තිබෙනවා.

ඕස්ට්‍රේලියානු භූවිද්‍යා සමීක්ෂණ ආයතනය වන Geoscience Australia සඳහන් කළේ එරට වේලාවෙන් අද (03) අලුයම 2.00ට පමණ මෙම භූචලනය වාර්තා වූ බවයි.

භූමිකම්පාවේ කේන්ද්‍රය මෙල්බර්න් නගරයේ සිට කිලෝමීටර් 135ක් පමණ ගිනිකොන දෙසින් පිහිටි සවුත් ගිප්ස්ලන්ඩ් ප්‍රදේශයේ ලියොන්ගාතා නගරය ආසන්නයේ හඳුනාගෙන ඇති බවද එම ආයතනය සඳහන් කරනවා.

භූමිකම්පාව හේතුවෙන් නිවාස සහ ගොඩනැගිලි රැසක් සෙලවීමට ලක්ව ඇති අතර, මෙතෙක් සිදුවූ හානි පිළිබඳ තොරතුරු වාර්තා වී නොමැති බවයි විදෙස් මාධ්‍ය සඳහන් කරන්නේ.