බන්ධනාගාර නිලධාරීන්ගේ තොරතුරු රැස්කළ අයෙක් අත්අඩංගුවට

බන්ධනාගාර නිලධාරීන්ගේ තොරතුරු රහසිගතව සොයමින් සිටි පුද්ගලයෙකු සහස්පුර පොලීසිය විසින් අත්අඩංගුවට ගෙන තිබෙනවා.

පොලීසිය පවසන්නේ ඔහු පසුගියදා නව මැගසින් බන්ධනාගාරයේ ඇති වූ කලහකාරී තත්ත්වය අතරතුරදී මියගිය මොහොමඩ් අස්මාන් ෂෙරිෆ්ඩීන් නැමැත්තාගේ සමීපතමයෙක් බවයි.

එම සැකකරු පසුගිය වසරේ දෙහිවල වටරප්පල පාරේදී සිදුකළ ද්විත්ව ඝාතනයේ යතුරුපැදිකරු ලෙස කටයුතු කර ඇති බවද වාර්තා වනවා.

ඔහු නව මැගසින් බන්ධනාගාරයේ කලහකාරී තත්ත්වය ඇති වීමට දින 3කට පෙර ඇප මත නිදහස්ව ඇති බව සඳහන්.

තවද එම සැකකරු කොස් මල්ලි නම් විදෙස්ගතව සැඟව සිටින අපරාධකරුගේ සමීපතමයෙක් බවට හෙළිව ඇත.

අත්අඩංගුවට ගත් සැකකරුගේ ජංගම දුරකථනය පරික්ෂා කිරීමේදී කොස් මල්ලි සමඟ සිදුකළ සංවාද කිහිපයක හඬපට ද පොලීසිය සොයාගෙන තිබෙනවා.

බන්ධනාගාර නිලධාරීන් පිළිබඳව සිදුකළ සොයා බැලීම් වන අතර එහි ඔවුන්ට අනතුරක් සිදු කිරීමට සුදානම් වන බවද එම දුරකථන සංවාදවල ඇතුළත්ව ඇති බව සඳහන්.