2026-09-08 08:44:00 Hours
.jpg)
ඉන්දීය ආරක්ෂක අමාත්ය රාජ්නාත් සිං මහතා අද (08) නිල සංචාරයක් සඳහා ශ්රී ලංකාවට පැමිණීමට නියමිතව තිබෙනවා.
අද (08) සිට ලබන 10 වැනිදා දක්වා ඔහු ශ්රී ලංකාවේ නිල සංචාරයක නිරත වීමට නියමිත බව වාර්තා වනවා.
දෙරට අතර ආරක්ෂක සහයෝගීතාව තවදුරටත් ශක්තිමත් කිරීම මෙම සංචාරයේ ප්රධාන අරමුණක් බව සඳහන්.
සංචාරය අතරතුරදී ඉන්දීය ආරක්ෂක අමාත්යවරයා ජනාධිපති අනුර කුමාර දිසානායක මහතා, අග්රාමාත්ය ආචාර්ය හරිනි අමරසූරිය මහත්මිය සහ ආරක්ෂක අමාත්යාංශ ලේකම් සම්පත් තුයියකොන්තා මහතා ඇතුළු පිරිසක් හමුවීමට නියමිතයි.
එමෙන්ම, පසුගිය වසරේ ඉන්දීය අග්රාමාත්ය නරේන්ද්ර මෝදි මහතාගේ ශ්රී ලංකා සංචාරය අතරතුර අත්සන් කරන ලද ඉන්දු - ලංකා ආරක්ෂක සහයෝගීතා ගිවිසුම ක්රියාත්මක කිරීමේ ප්රගතිය සම්බන්ධයෙන් ද මෙහිදී සමාලෝචනය කිරීමට නියමිත බව ඉන්දීය මාධ්ය වාර්තා කරනවා.
වසර 38කට පසුව ඉන්දීය ආරක්ෂක අමාත්යවරයෙකු ශ්රී ලංකාවේ සංචාරයක නිරත වීම ද මෙම සංචාරයේ විශේෂත්වයකි.
මේ අතර, රාජ්නාත් සිං මහතාගේ මෙරට සංචාරය හේතුවෙන් කොළඹ නගරය ආශ්රිතව විශේෂ රථවාහන සැලැස්මක් ක්රියාත්මක කර ඇති බව කොළඹ රථවාහන කොට්ඨාසය සඳහන් කරනවා.
ඒ අනුව ඉන්දීය ආරක්ෂක අමාත්යවරයා ගමන් ගන්නා කාලසීමාවන්ට අනුව කොළඹ නගරයේ ප්රධාන මාර්ග කිහිපයක අවස්ථානුකූලව රථවාහන ගමනාගමනය සීමා කිරීමට පියවර ගෙන තිබෙනවා.
මෙම වෙබ් අඩවියේ පළකරනු ලබන පුවතක් හේතුවෙන් යම් පුද්ගලයකුට, ආයතනයකට හෝ පාර්ශ්වයකට අගතියක් සිදුවන බව හැඟේ නම් හෝ යම් තොරතුරක් නිවැරදි විය යුතු යැයි හැඟෙන්නේ නම්, ඊට අදාළව ප්රතිචාර දැක්වීමට අප වෙබ් අඩවියේ පරිශීලකයින්ට පූර්ණ අයිතිය හිමිය.
ලංකා ලයිව් නිරන්තරයෙන් නිවැරදි තොරතුරු වාර්තා කිරීමට බැඳී සිටින අතර, මාධ්යය වෘත්තීය ආචාරධර්මවලට අනුගත වෙමින් සෑම විටෙකම පිළිතුරු ලබාදීමේ අයිතියට ගරුකරයි.
ඒ වෙනුවෙන් ඔබේ ප්රතිචාර කරුණාකර අපට දැනුම්දෙන්න.
ඊමේල් –hello@lankalive.lk