බංග්ලාදේශය පරදා ශ්‍රී ලංකා කාන්තා පිල අවසන් පූර්ව වටයට

2026 කාන්තා ආසියානු කුසලාන ක්‍රිකට් තරගාවලියේ බංග්ලාදේශ කණ්ඩායම සමඟ පැවැති තරගය කඩුලු 4කින් ජයගැනීමට ශ්‍රී ලංකා කාන්තා කණ්ඩායම අද (07) සමත් වුණා.

ඒ අනුව එම ජයග්‍රහණයත් සමඟ ශ්‍රී ලංකා කාන්තා කණ්ඩායම ආසියානු කුසලාන ක්‍රිකට් තරගාවලියේ අවසන් පූර්ව වටයට සුදුසුකම් ලබාගැනීමට සමත්ව තිබෙනවා.

ඩුබායි ජාත්‍යන්තර ක්‍රිකට් ක්‍රීඩාංගණයේ පැවැති තරගයේ පළමුව පන්දුවට පහරදුන් බංග්ලාදේශ කණ්ඩායම පන්දුවාර 20 තුළ කඩුලු 8ක් දැවී ලකුණු 114ක් රැස් කළා.

ඒ අනුව ජයග්‍රහණය සඳහා ලකුණු 115ක ඉලක්කයක් හඹාගිය ශ්‍රී ලංකා කණ්ඩායම පන්දුවාර 19යි පන්දු 2ක් තුළ කඩුලු 6ක් දැවී එම ඉලක්කය පසුකර ගියා.

ශ්‍රී ලංකා ඉනිම වෙනුවෙන් හර්ෂිතා සමරවික්‍රම නොදැවී ලකුණු 48ක් රැස්කරමින් ජයග්‍රහණයට විශාල දායකත්වයක් ලබාදුන්නා.