නිවාඩු දින දෙකකදී අධිවේගී මාර්ගවලින් කෝටි 12කට වැඩි ආදායමක්

පසුගිය අගෝස්තු 26 සහ 27 යන නිවාඩු දින දෙක තුළ අධිවේගී මාර්ග භාවිත කළ වාහනවලින් රුපියල් 124,574,925ක ආදායමක් උපයා ඇති බව මාර්ග සංවර්ධන අධිකාරිය පවසනවා.

එම දින දෙක තුළ සමස්ත අධිවේගී මාර්ග පද්ධතියේ ධාවනය වූ මුළු වාහන සංඛ්‍යාව 325,316ක්.

අගෝස්තු 26 වනදා වාහන 163,763ක් අධිවේගී මාර්ග භාවිත කර ඇති අතර, එදින උපයා ඇති ආදායම රුපියල් 60,409,995ක් බව සඳහන් වනවා.

අගෝස්තු 27 වනදා වාහන 161,553ක් ධාවනය වී ඇති අතර, එදින රුපියල් 64,164,930ක ආදායමක් උපයා තිබෙනවා.

මෙම දින දෙක තුළ වැඩිම වාහන ගමනාගමනයක් දක්ෂිණ අධිවේගී මාර්ගය සහ පිටත වටරවුම් මාර්ගය වන E01 හා E02 අධිවේගී මාර්ග ඔස්සේ වාර්තා වී ඇති බව මාර්ග සංවර්ධන අධිකාරිය වැඩිදුරටත් සඳහන් කරනවා.