2026-08-03 07:43:00 Hours
.jpg)
ජාතික ගොඩනැගිලි පර්යේෂණ සංවිධානය දිස්ත්රික්ක හතරක් සඳහා බලපැවැත්වෙන පරිදි නායයෑම් පිළිබඳ පූර්ව අනතුරු ඇඟවීමේ නිවේදනයක් නිකුත් කර තිබෙනවා.
ඊයේ (02) රාත්රී 11.00ට නිකුත් කළ මෙම නිවේදනය අද (03) රාත්රී 11.00 දක්වා වලංගු බවයි එම සංවිධානය සඳහන් කළේ.
ඒ අනුව, මහනුවර දිස්ත්රික්කයේ පස්බාගේ කෝරළේ සහ ගඟ ඉහළ කෝරළේ ප්රාදේශීය ලේකම් කොට්ඨාස, කෑගල්ල දිස්ත්රික්කයේ යටියන්තොට ප්රාදේශීය ලේකම් කොට්ඨාස සහ නුවරඑළිය දිස්ත්රික්කයේ අඹගමුව හා නෝර්වුඩ් ප්රාදේශීය ලේකම් කොට්ඨාස ඇතුළු අවට ප්රදේශ සඳහා දෙවැනි අදියරේ (Level 2) නායයෑම් අනතුරු ඇඟවීම් නිකුත් කර තිබෙනවා.
එමෙන්ම, කෑගල්ල දිස්ත්රික්කයේ අරණායක සහ දෙහිඕවිට ප්රාදේශීය ලේකම් කොට්ඨාස, නුවරඑළිය දිස්ත්රික්කයේ නුවරඑළිය, තලවකැලේ, කොත්මලේ නැගෙනහිර සහ කොත්මලේ බටහිර ප්රාදේශීය ලේකම් කොට්ඨාස මෙන්ම රත්නපුර දිස්ත්රික්කයේ නිවිතිගල සහ රත්නපුර ප්රාදේශීය ලේකම් කොට්ඨාස ඇතුළු අවට ප්රදේශ සඳහා පළමු අදියරේ (Level 1) පූර්ව නායයෑම් අනතුරු ඇඟවීම් ද නිකුත් කර ඇති බවයි ජාතික ගොඩනැගිලි පර්යේෂණ සංවිධානය වැඩිදුරටත් දැනුම් දුන්නේ.
මෙම වෙබ් අඩවියේ පළකරනු ලබන පුවතක් හේතුවෙන් යම් පුද්ගලයකුට, ආයතනයකට හෝ පාර්ශ්වයකට අගතියක් සිදුවන බව හැඟේ නම් හෝ යම් තොරතුරක් නිවැරදි විය යුතු යැයි හැඟෙන්නේ නම්, ඊට අදාළව ප්රතිචාර දැක්වීමට අප වෙබ් අඩවියේ පරිශීලකයින්ට පූර්ණ අයිතිය හිමිය.
ලංකා ලයිව් නිරන්තරයෙන් නිවැරදි තොරතුරු වාර්තා කිරීමට බැඳී සිටින අතර, මාධ්යය වෘත්තීය ආචාරධර්මවලට අනුගත වෙමින් සෑම විටෙකම පිළිතුරු ලබාදීමේ අයිතියට ගරුකරයි.
ඒ වෙනුවෙන් ඔබේ ප්රතිචාර කරුණාකර අපට දැනුම්දෙන්න.
ඊමේල් –hello@lankalive.lk