ජාතික ජන බලවේගයේ මන්ත්‍රීවරුන්ට එරෙහිව අල්ලස් කොමිසමට පැමිණිල්ලක්

ජාතික ජන බලවේගය නියෝජනය කරමින් පාර්ලිමේන්තුවට තේරී පත්වූ මන්ත්‍රීවරුන්ට එරෙහිව ‘දිනන දකුණ’ සංවිධානය විසින් අල්ලස් හෝ දූෂණ චෝදනා විමර්ශන කොමිෂන් සභාවට අද (02) පැමිණිල්ලක් ඉදිරිපත් කර තිබෙනවා.

එම සංවිධානය චෝදනා කරන්නේ, මන්ත්‍රීවරුන්ට හිමි වරප්‍රසාදයක් වන දීමනා මහජන යහපත සඳහා යොදා ගැනීම වෙනුවට ජනතා විමුක්ති පෙරමුණේ බැංකු ගිණුමකට තැන්පත් කිරීම මගින් දූෂණ විරෝධී පනත යටතේ වරදක් සිදුකර ඇති බවයි.

ඒ සම්බන්ධයෙන් 2023 අංක 09 දරන දූෂණ විරෝධී පනත යටතේ කඩිනම් විමර්ශනයක් සිදුකරන ලෙස ඉල්ලා ‘දිනන දකුණ’ සංවිධානය විසින් අද උදෑසන අල්ලස් කොමිසම වෙත මෙම පැමිණිල්ල ඉදිරිපත් කර ඇත.

එහිදී ජාතික ජන බලවේගය නියෝජනය කරන මන්ත්‍රීවරුන් 159 දෙනාම කැඳවා ප්‍රකාශ සටහන් කරගන්නා ලෙසත්, පක්ෂයට අදාළ බැංකු ගිණුම් පරීක්ෂා කර විමර්ශනයක් සිදුකරන ලෙසත් ඇතුළු කරුණු පහක් යටතේ අල්ලස් කොමිසමෙන් ඉල්ලීම් කර තිබෙනවා.