2026-09-09 12:47:00 Hours
.jpg)
තෙදින නිල සංචාරයක් සඳහා දිවයිනට පැමිණි ඉන්දීය ආරක්ෂක අමාත්ය රාජ්නාත් සිං මහතා ජනාධිපති අනුර කුමාර දිසානායක මහතා හමුවී තිබෙනවා.
අද (09) පෙරවරුවේ ජනාධිපති ලේකම් කාර්යාලයේදී මෙම හමුව සිදුවූ බව ජනාධිපති මාධ්ය අංශය සඳහන් කළා.
එහිදී ජනාධිපතිවරයා සහ ඉන්දීය ආරක්ෂක අමාත්යවරයා අතර ද්විපාර්ශ්වික සාකච්ඡා පැවැත්වී තිබෙනවා.
රාජ්නාත් සිං මහතාගේ ශ්රී ලංකා සංචාරය අතරතුර අග්රාමාත්ය ආචාර්ය හරිනි අමරසූරිය මහත්මිය සහ ආරක්ෂක අමාත්යාංශ ලේකම් එයාර් වයිස් මාර්ෂල් සම්පත් තුයියකොන්තා මහතා ඇතුළු පිරිසක් හමුවීමටද නියමිතයි.
පසුගිය වසරේ ඉන්දීය අග්රාමාත්ය නරේන්ද්ර මෝදි මහතාගේ ශ්රී ලංකා සංචාරය අතරතුර අත්සන් කළ ඉන්දු-ලංකා ආරක්ෂක සහයෝගීතා ගිවිසුම ක්රියාත්මක කිරීම සම්බන්ධයෙන්ද මෙම සංචාරයේදී සමාලෝචනය කිරීමට නියමිත බව ඉන්දීය මාධ්ය වාර්තා කරනවා.
වසර 38කට පසුව ඉන්දීය ආරක්ෂක අමාත්යවරයෙකු ශ්රී ලංකාවේ නිල සංචාරයක නිරත වීමද විශේෂත්වයකි.
මේ අතර මෙම හමුවෙන් අනතුරුව ඉන්දීය ආරක්ෂ අමාත්ය අමාත්ය රාජ්නාත් සිං මහතා ලංකාව සමඟ ගිවිසුම් තුනකට අත්සන් තබා ඇති බව වාර්තා වනවා.
මෙම වෙබ් අඩවියේ පළකරනු ලබන පුවතක් හේතුවෙන් යම් පුද්ගලයකුට, ආයතනයකට හෝ පාර්ශ්වයකට අගතියක් සිදුවන බව හැඟේ නම් හෝ යම් තොරතුරක් නිවැරදි විය යුතු යැයි හැඟෙන්නේ නම්, ඊට අදාළව ප්රතිචාර දැක්වීමට අප වෙබ් අඩවියේ පරිශීලකයින්ට පූර්ණ අයිතිය හිමිය.
ලංකා ලයිව් නිරන්තරයෙන් නිවැරදි තොරතුරු වාර්තා කිරීමට බැඳී සිටින අතර, මාධ්යය වෘත්තීය ආචාරධර්මවලට අනුගත වෙමින් සෑම විටෙකම පිළිතුරු ලබාදීමේ අයිතියට ගරුකරයි.
ඒ වෙනුවෙන් ඔබේ ප්රතිචාර කරුණාකර අපට දැනුම්දෙන්න.
ඊමේල් –hello@lankalive.lk