හර්ෂණට එරෙහි විශ්වාසභංග යෝජනාව වැඩි ඡන්ද 116කින් පරාජය වෙයි

අධිකරණ සහ ජාතික ඒකාබද්ධතා අමාත්‍ය නීතිඥ හර්ෂණ නානායක්කාර මහතාට එරෙහිව විපක්ෂ මන්ත්‍රීවරුන් විසින් ඉදිරිපත් කළ විශ්වාසභංග යෝජනාව අද (24) පාර්ලිමේන්තුවේදී වැඩි ඡන්ද 116 කින් පරාජයට පත් වුණා.

පසුගියදා මීගමුව බන්ධනාගාරයේ සිදුවූ සිද්ධිය මුල් කරගනිමින් විපක්ෂය මෙම විශ්වාසභංග යෝජනාව ඉදිරිපත් කර තිබූ අතර, ඒ පිළිබඳ විවාදය අද පෙරවරු 11.30 සිට පස්වරු 6.00 දක්වා පාර්ලිමේන්තුවේදී පැවැත්වුණා.

විවාදයෙන් අනතුරුව පැවති ඡන්ද විමසීමේදී යෝජනාවට පක්ෂව ඡන්ද 36ක් හිමි වූ අතර, ඊට විරුද්ධව ඡන්ද 152ක් ප්‍රකාශ වුණා.

ඒ අනුව විශ්වාසභංග යෝජනාව වැඩි ඡන්ද 116 කින් පරාජයට පත් වුණා.

අදාළ විශ්වාසභංග යෝජනාව විපක්ෂයේ මන්ත්‍රීවරුන් විසින් 2026 ජූලි 21 වැනිදා කථානායකවරයා වෙත භාරදී තිබූ අතර, එය අද (24) පාර්ලිමේන්තුවේදී විවාදයට ගැනුණා.