2025-10-13 08:47:00 Hours
.jpg)
අමෙරිකාව චීනයට එරෙහිව සැලසුම් සහගතව තීරුබදු පැනවීම පිළිබඳව තවදුරටත් අනිසි පියවර ගතහොත් චීනය ඊට නිසි ප්‍රතිචාර දක්වන බව චීන වාණිජ අමාත්‍යාංශය පවසනවා.
චීන වාණිජ අමාත්‍යාංශ ප්‍රකාශකයා ඊයේ (12) ප්‍රකාශ කළේ සිය දුර්ලභ ඛනිජ අපනයන සීමා කිරීම සඳහා ගන්නා පියවර සම්බන්ධව දැනුම් දීම පසුගියදා 9 වනදා චීනය සිදුකළ බවයි.
මෙම ක්‍රියාව චීන රජය නීති රීතිවලට අනුකූලව සිය අපනයන සීමා කිරීමේ පද්ධතිය වැඩිදියුණු කිරීමට යොදා ගන්නා නිසි ක්‍රියා මාර්ගයක් බව සඳහන්.
ඊට එරෙහිව අමෙරිකාව පසුගිය 10 වනදා ප්‍රකාශ කළේ චීනයට එරෙහිව 100%ක් දක්වා තීරු බදු පනවන බව සහ සිය සියලු ප්‍රධාන මෘදුකාංග අපනයන පාලනය කරනු ඇති බවයි.
අමෙරිකාවේ මෙම පියවර ව්‍යවසායන්හි යුක්ති ගරුක හා නිත්‍යානුකූල අයිතිවාසිකම්වලට මෙන්ම ජාත්‍යන්තර ආර්ථික හා වෙළෙඳ පටිපාටිය ද හානිකර බවද මේ සම්බන්ධව අදහස් දක්වන චීන වාණිජ අමාත්‍යාංශය පවසනවා.
එම නිසා සිය වැරදි නිවැරදි කරන ලෙස චීනය අමෙරිකාවෙන් ඉල්ලා සිටිනවා.
තවද ඔවුන්ගේ සැලසුම් සහගත ක්‍රියාවන්ට එරෙහිව දැඩි පියවර ගනිමින් තම පූර්ණ අයිතිවාසිකම් ආරක්ෂා කිරීමට චීනය ක්‍රියා කරන බවද න වාණිජ අමාත්‍යාංශය අවධාරණය කළා.
මෙම වෙබ් අඩවියේ පළකරනු ලබන පුවතක් හේතුවෙන් යම් පුද්ගලයකුට, ආයතනයකට හෝ පාර්ශ්වයකට අගතියක් සිදුවන බව හැඟේ නම් හෝ යම් තොරතුරක් නිවැරදි විය යුතු යැයි හැඟෙන්නේ නම්, ඊට අදාළව ප්‍රතිචාර දැක්වීමට අප වෙබ් අඩවියේ පරිශීලකයින්ට පූර්ණ අයිතිය හිමිය.
ලංකා ලයිව් නිරන්තරයෙන් නිවැරදි තොරතුරු වාර්තා කිරීමට බැඳී සිටින අතර, මාධ්‍යය වෘත්තීය ආචාරධර්මවලට අනුගත වෙමින් සෑම විටෙකම පිළිතුරු ලබාදීමේ අයිතියට ගරුකරයි.
ඒ වෙනුවෙන් ඔබේ ප්‍රතිචාර කරුණාකර අපට දැනුම්දෙන්න.
ඊමේල් –hello@lankalive.lk