2026-04-10 15:06:00 Hours
මෙරට තුළ කිසිසේත්ම ඉන්ධන අර්බුදයක් ඇති වීමට ඉඩ නොතබන බව ශ්රී ලංකාවේ චීන තානාපති චී චෑංග් හොංග් පවසනවා.
තානාපතිවරයා මෙම අදහස් පළ කළේ මහනුවර අස්ගිරිය චන්දානන්ද බෞද්ධ විද්යාලයේදී ප්රදේශයේ අඩු ආදායම්ලාභී පවුල් 350කට වියළි ආහාර බෙදාදීමේ අවස්ථාවට සහභාගීවීමෙන් අනතුරුව මාධ්ය වෙත අදහස් දක්වමින්.
චීනය සෑම අවස්ථාවකදීම සහයෝගය ලබාදී ඇති බවත් ඈත අතීතයේ සිටම දෙරට අතර පවතින මිතුදහම ඊට ප්රධාන හේතුවක් බවත් ඔහු සඳහන් කරනවා.
චීන තානාපතිවරයා පෙන්වා දෙන්නේ දැනට මැදපෙරදිග පෙරදිග යුදමය තත්ත්වය හේතුවෙන් ලෝකයේ ඇතැම් රටවල් පීඩාවට ලක්ව ඇති වීම හේතුවෙන් ඕනෑම අවස්ථාවකම ශ්රී ලංකා අවශ්ය සියලුම ආකාරයේ සහාය ලබාදීමට චීනය ඉදිරිපත් වනු ඇති බවයි.
යම් හේතුවක් මත මෙරට තුළ ඉන්ධන අර්බුදයක් ඇති වනවා නම් එම තත්ත්වය චීනයේ සයිනොපෙක් සමාගම හරහා කළමනාකරණය කිරීමට කටයුතු කරන බවද ඔහු පවසනවා.
මෙරට ආර්ථික ගොඩගැනීමට අවශ්ය සියලු ආකාරයේ සහාය චීන රජය විසින් ලබාදෙන බව චීන තානාපතිවරයා සඳහන් කර තිබෙනවා.
මේ වන විට මැදපෙරදිග යුද්ධයේ සටන් විරාමයක් ක්රියාත්මක වන බවත් එය අඛණ්ඩව පවතිනවා නම් තමන් ඊට කැමති බවත් ශ්රී ලංකාවේ චීන තානාපති චී චෑංග් හොංග් අවධාරණය කරනවා.
මෙම වෙබ් අඩවියේ පළකරනු ලබන පුවතක් හේතුවෙන් යම් පුද්ගලයකුට, ආයතනයකට හෝ පාර්ශ්වයකට අගතියක් සිදුවන බව හැඟේ නම් හෝ යම් තොරතුරක් නිවැරදි විය යුතු යැයි හැඟෙන්නේ නම්, ඊට අදාළව ප්රතිචාර දැක්වීමට අප වෙබ් අඩවියේ පරිශීලකයින්ට පූර්ණ අයිතිය හිමිය.
ලංකා ලයිව් නිරන්තරයෙන් නිවැරදි තොරතුරු වාර්තා කිරීමට බැඳී සිටින අතර, මාධ්යය වෘත්තීය ආචාරධර්මවලට අනුගත වෙමින් සෑම විටෙකම පිළිතුරු ලබාදීමේ අයිතියට ගරුකරයි.
ඒ වෙනුවෙන් ඔබේ ප්රතිචාර කරුණාකර අපට දැනුම්දෙන්න.
ඊමේල් –hello@lankalive.lk