2026-05-08 14:43 Hours
.jpg)
ශ්රී ලන්කන් ගුවන් සමාගමේ හිටපු ප්රධාන විධායක නිලධාරී කපිල චන්ද්රසේන මහතා සැක කටයුතු ලෙස මියගොස් ඇති බව පොලීසිය විසින් කොටුව මහේස්ත්රාත් අධිකරණයට කරුණු වාර්තා කර තිබෙනවා.
කොල්ලුපිටිය පේද්රිස් මාවත ප්රදේශයේ පිහිටි නිවසක තිබී අද (08) උදෑසන කපිල චන්ද්රසේන මහතාගේ මළ සිරුර පොලීසිය විසින් සොයා ගැනුණා.
එම නිවසේ කාමරයක ගෙල වැළලාගෙන සිටියදී ඔහුගේ සිරුර හමුවූ බව පොලීසිය පවසනවා.
අදාළ ස්ථානයට අද (08) පෙරවරුවේ කොළඹ අධිකරණ වෛද්ය නිලධාරීවරයා ද පැමිණ තිබුණා.
සිද්ධිය සම්බන්ධව කොල්ලුපිටිය පොලීසිය කොටුව මහේස්ත්රාත් අධිකරණය මෙහිදී කරුණු දැක්වීමක් සිදුකළා.
එහිදී ඔවුන් පෙන්වා දී ඇත්තේ සැක කටයුතු මරණයක් ලෙස සලකා සිද්ධිය පිළිබඳව ඉදිරි විමර්ශන සිදුකරන බවයි.
මේ අතර ස්ථානීය පරීක්ෂණ සිදු කිරීම සඳහා කොටුව මහේස්ත්රාත් පසන් අමරසේන මහතා ද පැමිණ තිබුණා.
මෙම වෙබ් අඩවියේ පළකරනු ලබන පුවතක් හේතුවෙන් යම් පුද්ගලයකුට, ආයතනයකට හෝ පාර්ශ්වයකට අගතියක් සිදුවන බව හැඟේ නම් හෝ යම් තොරතුරක් නිවැරදි විය යුතු යැයි හැඟෙන්නේ නම්, ඊට අදාළව ප්රතිචාර දැක්වීමට අප වෙබ් අඩවියේ පරිශීලකයින්ට පූර්ණ අයිතිය හිමිය.
ලංකා ලයිව් නිරන්තරයෙන් නිවැරදි තොරතුරු වාර්තා කිරීමට බැඳී සිටින අතර, මාධ්යය වෘත්තීය ආචාරධර්මවලට අනුගත වෙමින් සෑම විටෙකම පිළිතුරු ලබාදීමේ අයිතියට ගරුකරයි.
ඒ වෙනුවෙන් ඔබේ ප්රතිචාර කරුණාකර අපට දැනුම්දෙන්න.
ඊමේල් –hello@lankalive.lk