Home / News / පලාලි සිවිල් ගුවන් මෙහෙයුම් 16 වැනිදා – දේශීය මූල සමාගම්වලට මුල්තැන අමාත්‍ය අර්ජුන රණතුංග

පලාලි සිවිල් ගුවන් මෙහෙයුම් 16 වැනිදා – දේශීය මූල සමාගම්වලට මුල්තැන අමාත්‍ය අර්ජුන රණතුංග


පලාලි සිට ඉන්දියාව දක්වා ආරම්භ කරන ගුවන් ගමන් සේවා සැපයීමේදී දේශීය මූල සමාගම්වලට ඉහළ පුමුඛතාවක් ලබා දෙන බව ප්‍ර‍වාහන සහ  සිවිල් ගුවන්සේවා අමාත්‍ය අර්ජුන රණතුංග මහතා පවසයි. ඔහු අවධාරණය කළේ ලංකාව තුළ ගුවන් තොටුපොළ හතරක් ජාත්‍යන්තර ගුවන්තොටුපොළ ලෙස ප්‍ර‍වර්ධනය කෙරෙන බවයි. ඒ කටුනායක, මත්තල, රත්මලාන සහ මඩකලපුව වේ. එම ගුවන්තොටුපොළ එකිනෙකට සම්බන්ධ කෙරෙමින් කලාපීය සහ ජාත්‍යන්තර ගුවන් ගමන් සේවා ආරම්භ කෙරෙන බවද අමාත්‍ය අර්ජුන රණතුංග මහතා පැවසීය. එතුමා මේ බව කියා සිටියේ අද (05) පලාලි ගුවන්තොටුපොළේ නිරීක්ෂණ චාරිකාවකට එක් වෙමිනි. එම චාරිකාවෙන් පසුව යාපනය දිස්ත්‍රික් ලේකම් කාර්යාලයේදී පලාලි ගුවන්තොටුපොළේ  සංවර්ධන කටයුතු පිළිබද ප්‍ර‍ගති සමාලෝචන රැස්වීමක්ද පැවැත්විණ. එම නිරීක්ෂණ චාරිකාව අතරතුරදී මාධ්‍යවේදීන් නැගූ  ප්‍ර‍ශ්නවලට පිළිතුරු දෙමින් අමාත්‍ය අර්ජුන රණතුංග මහතා වැඩිදුරටත් පැවසුවේ ඔක්තෝම්බර් මාසයේ 10වැනිදා වන විට පලාලි ගුවන්ත්තොටුපොළේ පළමු අදියරේ සංවර්ධන කටයුතු අවසන් කර 16වැනිදා ගුවන් මෙහෙයුම් නිල වශයෙන් ආරම්භ කිරීමට අපේක්කෂා කරන බවයි. ගුවන්තොටුපොළ ආශ්‍රිත රැකියා ලබා දීමේදී උතුරු පළාත් ජනතාවට වැඩි අවස්ථාවක් ලබා දෙන බවද ඔහු කියා සිටියේය.  අර්ජුන රණතුංග මහතා මාධ්‍ය හමුවේ දැක්වූ සම්පූර්ණ අදහස් මේ සමග අමුණා ඇත.  

Check Also

තිබුණු බලයත් වසරකින් අඩුකරගෙන දෙවනවර අපේක්ෂකත්වයත් අහිමිව ලබන මස ගෙදර යන ජනාධිපති මෛත්‍රී

ශ්‍රි ලංකා නිදහස් පක්ෂයෙන්  විධායක ජනාධිපති ධුරයට පත්වී  දෙවන වරට ජනාධිපති වන්නට  තබා ජනාධිපති අපේක්ෂකත්වයත් …

Leave a Reply

Your email address will not be published. Required fields are marked *